Makiisa sa isang gabi ng makabuluhang pagtatanghal na nagbibigay-liwanag sa ating kalinangan, nagpapatibay sa ating pagkakaisa, at nagpapamalas ng husay at galing ng mga mag-aaral ng CLSU.
Buong pagmamalaking inihahandog ng Cultural Affairs Office (CAO), katuwang ang CLSU University Supreme Student Council (USSC), ang SIKAD Cultural Show 2026—isang makulay na pagdiriwang ng kultura, sining, talento, at pagkakaisa ng pamayanang CLSU.
Masaksihan ang isang gabing puno ng inspirasyon at kahusayan sa sining sa pagtatanghal ng mga pangunahing pangkat pangkultura ng unibersidad. Tampok ang mga natatanging pagtatanghal sa musika, sayaw, teatro, at biswal na sining na sumasalamin sa mayamang pamana at malikhaing diwa ng ating mga mag-aaral.
Mga Tampok na Pangkat Pangkultura:
🎶 CLSU Maestro Singers,
💃 CLSU Bithay Sining Dance Company,
🎭 Tanghalang Gagalaw sa CLSU,
🎨 CLSU Pigura,
🎷CLSU Band at
🎸 CLSU Combo
Halina't tunghayan, ipagdiwang, at pagyamanin ang sining at kulturang Pilipino!
